Bursito

En la punktoj kie estiĝas frotado inter la haŭto, la ligamentoj kaj la ostoj (genuo, kubuto ktp.) troviĝas bursoj, kiuj sekrecias likvan lubrikaĵon (serozaĵo) similan al tiu de la artikoj kaj de la tendenaj ingoj. Tiuj serozaj bursoj, kies funkcio konsistas precize en malpliigi la frotadon, povas inflamiĝi (bursito) pro kontuzoj, troa frotado aŭ oftaj traŭmatoj, kiel okazas en kelkaj metioj, estigante doloron kaj movan malfacilecon. La kuracado konsistas en ripozo de la afekciita korpoparto, kio signifas kelkfoje ŝanĝi sian okupon aŭ metion; apliki sur la malsanan regionon kaj ties ĉirkaŭaĵon varmajn fomentaĵojn kaj vaporbanojn sekvitajn de malvarmaj kompresoj, kataplasmoj el argilo aŭ kaolino aŭ ŝprucaĵoj. Nokte oni aplikas malvarman kataplasmon el argilo aŭ kaolino, kiun oni demetas la sekvan matenon.