Pusa artrito

Ĉe la komenco oni devas tute senmovigi la artikon sendolorigcele; apliki sur la malsanan regionon malvarmajn kataplasmojn el argilo aŭ kaolino renovigitajn ĉiuhore aŭ ĉiuhore kaj duono dum la tuta tago, kaj alian dum la tuta nokto, kiun oni ne renovigas dum la dormohoroj (se ne eblas apliki tiujn kataplasmojn, anstataŭigu ilin per malvarmaj kompresoj); observi likvan dieton: akvo kun aŭ sen citronsuko aŭ ĵus elpremita suko de freŝaj fruktoj kaj nekuiritaj legomoj; klisteri por fekincitado unu aŭ dufoje ĉiutage.

Kiam la febro kaj aliaj akutaj simptomoj jam ĉesis, la paciento povas manĝi freŝajn fruktojn kaj poste ankaŭ diversspecajn salatojn, observante tiun nekuiritan dieton laŭeble longe. Krome oni tiam devas singarde komenci masaĝi la histojn ĉirkaŭantajn la artikon, kaj poste la artikon mem, ekfunkciigante ĝin pasive kaj aktive, ne estigante doloron, Fine estas konsilindaj lokaj vaporbanoj kaj ĝeneralaj sunbanoj.