Dolora, blokita s'ultro

(Skapolo-humera periartrito). La ŝultra artiko, unu el la plej moveblaj de la korpo, povas esti afekciita same kiel la aliaj artikoj pro diversaj kaŭzoj: traŭmato (unusola forta bato aŭ kontuzo aŭ serio da nefortaj ripetitaj traŭmatoj), reŭmatismo, podagro, metabolaj, emociaj aŭ psikaj perturboj, inflamo de la tendenoj, muskoloj kaj ceteraj histoj, kiuj konsistigas la artikon ktp. Kelkfoje la ŝultra doloro fontas el aliaj partoj de la korpo pro diversaj malsanoj (kora infarkto, pulma, pleŭra kaj kolecista afekcioj, kola spondiloartrito, toksiĝoj (medikamenta aŭ alispeca). Malofte la dolora ŝultro estas kaŭzita de afekcio eks-kluziva de tiu artiko: ĝi pleje ŝuldiĝas al la lezoj de ties ĉirkaŭantaj histoj.

Ĝi estas karakterizita per malakra doloro en la ŝultro, kiu en ĝiaj intensaj formoj etendiĝas ĝis la kolo aŭ descendas laŭlonge de la brako. Krome la artika movebleco estas tre limigita kaj la plej eta movo suferigas.

La kuracado estas same kiel indikite por reŭmatoida artrito. Kiam la intensa doloro ĉesas, oni devas tuj komenci singarde la aktivajn kaj pasivajn movojn de la artiko por restarigi grade ties funkciojn, kvankam ĉe la komenco ili okazigos doloron.

La kurtaj ondoj, la diatermio kaj la ultrasono en malgrandaj dozoj povas ankaŭ utili.Oni konstatis, ke kelkfoje interkuranta febra malsano (ekzemple gripo) povas neatendite malaperigi tiun malsanon.