Kapdoloro, migreno

Tiu ofta afekcio povas ŝuldiĝi al la plej diversaj kaŭzoj kaj ĝia kuracado devas celi ne nur elimini la simptomon, la doloron, sed ĉefe la kaŭzon, kiu ĝin estigis. Estas do nepre necese esplori la sanstaton de la paciento por ĝuste diagnozi la originan malsanon, kiu estas traktota per la naturista medicino. La uzado kaj trouzado de kontraŭdoloraj medikamentoj, tiom komuna hodiaŭ, nur povas konduki al pli intensa toksado, kio komplikas kaj pligravigas la prognozon kaj igas la resaniĝon dubinda. Observante la faktorojn de la sano, aparte la naturajn dieton kaj vivmanieron, la kapdoloroj definitive ĉesas.

Por mildigi la kapdoloron, oni devas kuŝiĝi en silenta kaj malluma ĉambro, malstreĉi la korpon kaj la menson, spiri malrapide kaj profunde, observi dieton el freŝaj fruktoj kaj ties ĵus elpremitaj sukoj, ŝprucigi sur la kapon malvarman akvon dum 1 aŭ 2 minutoj aŭ apliki sur ĝin malvarmajn renovigitajn kompresojn, aŭ preni piedbanon en varma akvo kun manpleno da cindro aŭ da sinapa faruno en ĝi solvita kaj samtempe apliki sur la kapon malvarmajn kompresojn, trinki dekoktaĵon el laktuko aŭ maceraĵon el valeriana radiko aŭ infuzaĵojn el tili-, oranĝo- aŭ pasifloroj aŭ el hiperiko (Hypericum perforatum).