Neu'rito, multneu'rito

Tiel nomiĝas la inflama aŭ degenera lezo de unu aŭ pluraj nervoj, kaŭzata de toksiĝoj (plumbo, tabako, alkoholo, karbona monooksido, arseno, hidrargo), metabolaj (podagro, diabeto, reŭmatismo) kaj infektaj (difterio, gripo, malario, variolo, tifo, sifiliso, tuberkulozo) malsanoj, nervaj lezoj kaj kontuzoj, trouzado de drogoj kaj farmaciaĵoj kaj la nenatura nutromaniero. La simptomoj estas: doloro kaj sensiveco de la nervo, perturbo de la haŭta sensiveco kaj muskola malforteco aŭ paralizo de la koncerna regiono. Unue oni devas forigi la toksajn kaŭzojn kaj kuraci la supre menciitajn infektajn. La dieto devas esti vegetara, prefere nekuirita. Se ne estas febro: Vaporbano de la afekciita regiono. Apliki surloke varmajn fomentaĵojn, sablosaketon aŭ brikon, elektran kuseneton, kataplasmo el varmaj argilo aŭ linsemoj, banoj en varmaj mineralakvoj (varmfontoj) aŭ komuna varma akvo. Ripozo. Post la akuta dolora fazo, preni sunbanojn, masaĝi kaj fari aktivajn movojn. Eviti farmaciaĵojn.