Rena s'tonozo (litiazo)

Ĉe certaj perturboj, metabolaj aŭ aliaj, la diversaj materioj, kiujn la urino normale enhavas kaj glate eliminas eksteren, fariĝas nesolveblaj, almenaŭ parte, kaj precipitiĝas en la renajn duktetojn kaj duktojn. Ĉe la komenco, la precipitaĵoj estas tre malgrandaj kaj ne estigas ĝenajn simptomojn; sed poste ili pligrandiĝas kaj formas kvazaŭ sablerojn, kiuj iom post iom kuniĝas formante ŝtonetojn kaj ŝtonojn (litiazo). Tiuj ŝtonoj povas esti for-mitaj el ureatoj, oksalatoj kaj fosfatoj.

Post kelka tempo la ŝtono kaŭzas renan traŭmon kaj kongeston, kiuj sekvigas iafoje urinan retenon kun infekto. Aperas tiam alia simptomo: piurio (puso en urino).

Se temas pri rena koliko, apliku oftajn klisterojn de 1 litro da varma akvo, kaj prenu banon laŭeble varman de via tuta korpo, ĝis la kolo, dum 15-30 minutoj, kaj ripetu ĝin, se necese. Aldonu de temp' al tempo akvon pli varman por ke la temperaturo de la bano restu la sama. Se vi ne havas grandan banujon, enakvigu almenaŭ vian trunkon aŭ torson. Se la doloro estas malakra, la bano povas esti malpli longa. Se ne eblas prepari tiun banon, apliku fomentaĵojn laŭeble varmajn sur la lumban kaj ventran regionojn kaj kovru ilin per seka flanelo por konservi la varmon; aŭ apliku sur la fomentaĵojn botelojn kun varma akvo. Renovigu ilin laŭbezone. Krome, por sendoloriĝi, trinku tizanon aŭ dekokton de papavo aŭ papaveto. La forta spasma doloro kaŭzita de la ŝtono ĉesas nur, kiam ĝi enfalas en la vezikon. Ripozu enlite dume.

Ĉe ureata litiazo evitu ĉiuspecajn viandaĵojn, fiŝaĵojn, konservaĵojn, kolba-sojn, spicaĵojn, alkoholaĵojn, ĉokoladon, kakaon, kafon, teon, fromaĝon, ovaĵojn kaj sekajn legomojn (lento, pizo, kikero, fazeolo, fabo, sojo ktp.). Estas permesate manĝi tre modere: lakton (prefere jogurton), kremon, buteron kaj nuksojn. Estas rekomendindaj: freŝaj kaj sekigitaj fruktoj, krudaj salatoj, boligitaj legomoj kaj integraj cerealoj.

Ĉe oksalata kaj fosfata litiazoj evitu ĉiuspecajn viandaĵojn, konservaĵojn, kolbasojn, alkoholaĵojn, ĉokoladon, kakaon, kafon, teon, lakton, fromaĝon, ovaĵojn, okzalon, bliton, spinacon, brasikon, florbrasikon kaj cikorion. Estas permesate manĝi tre modere: sekajn legomojn, kremon, buteron kaj nuksojn. Estas rekomendindaj: freŝaj kaj sekigitaj fruktoj (escepte de fragoj kaj sekigitaj figoj), krudaj salatoj, boligitaj legomoj kaj integraj cerealoj.

Tri fojojn semajne prenu vaporbanon de la malsupra duono de la korpo, tio estas, de la zono ĝis la piedoj, dum 20-30 minutoj. Unu fojon semajne prenu vaporbanon (saŭno) al via tuta korpo. Malproksime de la manĝoj trinku tizanojn de urinigaj herboj.

La absoluta ripozo enlite estas nepre necesa tiom longe kiom persistas la doloroj kaj la hematurio. Sed, kiam la ĝenaj simptomoj malaperas, estas konsilinde longe marŝi, ĉar la fizika aktiveco multe helpas elimini la ekskreciaĵojn. Ĉiutagaj sunbanoj kaj spiraj ekzercoj ankaŭ utilas.

La ĥirurgia operacio estas akceptebla nur, kiam ĉiuj aliaj rimedoj malsukcesas. Krome, la eltiro de ŝtono estas nur provizora solvo, ĉar la "fabriko" de tiuj ŝtonoj kuŝas en la organismo mem, kaj ĝi certe plu produktos aliajn, se la dieto kaj la aliaj antaŭe menciitaj indikoj ne estas severe kaj daŭre observataj.