Esencaj aminoacidoj

La aminoacidoj estas la fina produkto de la malkombino de la proteinoj en la digesta aparato. Kelkaj el ili nomiĝas esencaj, ĉar ili nepre devas ekzisti en la proteinoj de la enstomakigitaj nutraĵoj por ke la kreskado, konservado kaj riparado de la organismo normale efektiviĝu; nome: triptofano, lisino, leŭcino, izoleŭcino, fenilalanino, metionino, treonino, arginino, histidi-no kaj valino. La aliajn, neesencajn, la organismo mem formas el la kutimaj nutraĵoj.

La vegetaĵoj, precipe cerealoj, legumenacoj (pizo, fabo, fazeolo, lento, sojfabo ktp. ), terpomo kaj nuksoj enhavas esencajn aminoacidojn. Tamen konvenas kompletigi la dieton per modera konsumado de lakto kaj ĝiaj derivaĵoj kaj ovoj.

En kelkaj landoj kun tre malfacilaj ekonomiaj kondiĉoj abundas la kazoj, aparte ĉe infanoj, de gravaj malsanoj pro nesufiĉeco aŭ manko de aminoacidoj en la organismo. Ĉar lakto kaj ovoj ofte ne estas haveblaj tie, oni sukcese anstataŭigas ilin per miksaĵo el faruno de arakido, de kikero aŭ sojfabo, de nigra fazeolo kaj de sezamo, de kotonsemo, feĉo kaj agropiro "kikuyu".