Vitamino A

(kontraŭkseroftalmia faktoro). Ĝi abundas en la vegetaĵoj (karoto, kreso, spinaco, laktuko, tomato, brasiko kaj verdaj fazeoloj), lakto, kremo, butero, fromaĝo kaj ovo. Ĝia manko en la nutrado kaŭzas gravajn perturbojn en la kreskado kaj disvolviĝado, kseroftalmion (afekcio, en kiu la konjunktivo estas tre seka), noktan blindecon, kaj malpliiĝon de la natura imuneco kontraŭ la infektadoj.