Malbona elspiro

povas esti kaŭzata de: dentaj karioj, gingivito, pio-reo, sinusito, tonsilito, ulcergangrenaj procesoj de la traŭeo, bronkoj kaj pulmoj, bronkektazio, stomakito kaj mallakso. Kompreneble oni devas unue kuraci la malsanon, kiu estigas malbonodoran elspiron por ke ĉi tiu malaperu. Kelkaj nutraĵoj (ajlo, cepo ktp.) ankaŭ estigas ĝin; tiukaze oni povas iom malakrigi ĝin maĉante petroselon, laktukon, celerion ktp. (la klorofilo entenata en la vegetaĵoj havas ja senodorigan econ). Ne suĉu tiucele sukeraĵojn, kiuj nur akcelos la aperon de dentaj karioj. Fumantoj ĉesu fumi.