Konvulsioj

(senvolaj kaj momentaj kontrahiĝoj de muskoloj) estas oftaj ĉe febrantaj infanoj, aparte se nervozaj. Tiu simptomo, kvankam negrava tiukaze (prefere okazanta en la komenco de la malsano), alarmas la gepatrojn kaj eĉ kelkajn kuracistojn, kiuj erare interpretas ĝin kiel simptomon de meningito aŭ epilepsio. Ĉe konvulsio trankviliĝu kaj trankviligu la infanon per malvarmaj kompresoj aŭ ŝprucigoj sur la kapon kaj vertebraron, kaj trinkigu dekoktojn de tili- aŭ oranĝofloroj, pasifloro ks. Ĉe konvulsio ankaŭ utilas klisteroj, malvarmaj envolvoj ofte renovigitaj ĉirkaŭ la tuta korpo, kaj 3 ĝis 6 minutaj (depende de la aĝo) varmetaj mergobanoj, kies temperaturon oni iom malpliigas grade.


Ni diru marĝene, ke dum varmegaj tagoj kelkaj (suĉ)infanoj prezentas kon-vulsiojn, precipe kiam ili estas tro varme vestitaj aŭ troviĝas en varma, ne ventolita ĉambro, kio tre ŝvitigas kaj sekve deshidratas ilin.
Vidu ankaŭ: Febro.