6. Abelveneno

Por multaj malamikoj de abeloj ilia veneno estas mortiga; en pli granda kvanto ĝi estas danĝera ankaŭ por la homo. En malgranda kvanto la abelveneno tamen estas efika rimedo kontraŭ reŭmato, iskiatiko, multobla sklerozo, malvarmumoj, gripo, ktp. Iuj abelbredistoj ĉiuprintempe igas sin piki de 10 ĝis 12 abeloj kaj asertas, ke dank’ al tio ili estas "injektitaj" kontraŭ malvarmumo por la tuta jaro. Esploroj montris, ke abelbredistoj estas en multe pli malgranda grado inklinaj al reŭmataj malsanoj ol ceteraj homoj. Preparaĵoj el abelveneno (ungventoj, ampoloj) estas agnoskitaj de la klasika medicino kaj estas permesitaj medikamentoj.

Oni konsideru, ke 3-5% de homoj reagas alergie je la abelveneno. Antaŭ ol uzi abelvenenan injekton aŭ abelpikon oni konsultu kuraciston pri eblaj alergiaj kromefikoj.